Қостанайда әскери тауарларды Ресейге заңсыз әкетпек болғандар ұсталды
Жүк көлігі өткізу пунктінде тоқтатылды
Қостанай облысына қарасты «Қайрақ» автомобиль өткізу пунктінде әскери киім-кешекті заңсыз әкетудің жолы кесілді, деп хабарлайды Azattyq Ruhy.
Қостанай облысы бойынша Мемлекеттік кірістер департаменті мен ҚР ҰҚК Шекара қызметінің бірлескен әрекетінің арқасында «Газель» маркалы көлігі ұсталды, оның жүк бөлігінен әскери шлемдер мен тактикалық рюкзактар табылды.
«Тасымалдау мұқаба тауарларын қолдана отырып жүзеге асырылған, тауарларға ілеспе құжаттамада тауарлар туралы мәліметтер жоқ. Жүгі бар көлік құралы өткізу пунктінің орналасқан жерінде болады, тауарлардың шығу тегін және әкетуге қатысы бар тұлғаларды анықтау бойынша шаралар қабылданады», - делінген хабарламада.
Жедел іс-шаралардың қорытындысы бойынша кінәлі адамдарды жауапкершілікке тарту және жүкті мемлекет пайдасына алып қою жөнінде тиісті шаралары қабылданатын болады.
