Түркияда 212 сағаттан кейін 77 жастағы әжей құтқарылды

Түркияның Адыяман провинциясында жер сілкінісінен 212 сағат өткен соң 77 жастағы әжей қоқыстың астынан шығарылды, деп хабарлайды Azattyq Ruhy Anadoly - ға сілтеме жасап.

Фатма Гюнгер провинцияның әкімшілік орталығындағы құлаған ғимараттың қирандыларынан құтқарылды. Әжей шұғыл ауруханаға жеткізілді. Оның туыстары құтқарушыларға шын жүректен алғыс айтты.

Түркиядағы жойқын жер сілкінісі құрбандарының саны 35 мыңнан асты.

Президент Режеп Тайып Ердоған апат құрбандарының рухына жеті күндік Жалпыұлттық аза тұту жариялады. Елдің барлық аумағында мемлекеттік ту түсірілді.