Алматыда тағы да автобус өртеніп кетті

Бүгін Алматыда Төле би – Шығыс айналма жолында тағы бір қоғамдық көлік өртенді, деп хабарлайды Azattyq Ruhу.

Өрт таңғы сағат 08:27- де болған.

Қызыл жалынға оранған автобустың ішінде жолаушылар болмаған. Оқиға орнына 8 қызметкер, 2 бірлік техника жеткен.

«Дереу жанып жатқан автобусты сөндіруге көбігі бар оқпандары беріліп, сондай - ақ автобус конструкцияларын салқындатуға бөлек өрт оқпандары бағытталды. Қабылданған шаралармен өрт  08:50-де оқшауланды. Зардап шеккен адамдар жоқ»,- деп мәлімдеді Алматы қаласы Төтенше жағдайлар департаменті.

Айта кетейік, өртенген № 131 бағытта қатынайтын «Алматыэлектротранс» ЖШС – ға тиесілі.