Бұл әрекеті үшін оның өтеп жатқан мерзімінің үстіне қосымша мерзім қосылды
Шығыс Қазақстанда жазасын өтеп жатқан азамат түрмедегілерге терроризмді насихаттаған, деп хабарлайды Azattyq Ruhy ШҚО бойынша ҚАЖД баспасөз қызметіне сілтеме жасап.
Шығыс Қазақстан облысы колониясының бірінде жазасын өтеп жатқан сотталған адам түзеу мекемесінде терроризмді насихаттағаны үшін мерзімі қосымша 4,5 жылға ұзартылды.
Жазасын өтеу үшін Астана қаласының сотымен сотталып, азамат Шығыс Қазақстан облысының түзеу мекемелерінің біріне жазасын өтеуге келді.
Алайда, қажетті қорытынды жасамай, түзеу мекемесінде заңсыз әрекеттер мен терроризмді жазасын өтеушілердің арасында насихаттауды жалғастырған.
«Ішкі істер министрлігінің Қылмыстық-атқару жүйесі мекемесінде терроризмді насихаттау фактісі бойынша бұл азаматқа қатысты қылмыстық істі тергеуді Ұлттық қауіпсіздік комитетінің Шығыс Қазақстан облысы бойынша департаменті аяқтап, сотқа жолдады», - делінген хабарламада.
Өскемен қаласының № 2 сотымен ҚК 256-бабының 1-бөлігі бойынша сотталған адам кінәлі деп танылып, 4,6 жылға бас бостандығынан айырылды. Жазасын өтеуші 2020 жылдан бастап жазасын қамаудағыларға радикалды идеологияны таратқан облыстың түзеу мекемесінде өтеп келеді.
Сотталушының кінәсі қылмыстық іс материалдарымен толық дәлелденген.