Куәгерлердің айтуынша, ананы құтқару мүмкін болмаған
Құтқарушылар Сирияның солтүстігіндегі Алеппо қаласының маңында құлаған ғимараттардың үйіндісі астында қалған азаматтарды іздеу операциясы барысында жаңа туған шақалақты тапты, деп хабарлайды Azattyq Ruhy.
Куәгерлердің айтуынша, сәбидің анасын құтқару мүмкін болмаған.
Құтқарушылар баланы дәрігерлерге тапсырды. Сәбиді үйінді астынан алып шыққан сәтте түсірілген бейнежазба әлеуметтік желіде лезде тарап кетті.
Бұған дейін Алеппоның ескі бөлігіндегі әл-Акаба орамында құтқарылған жаңа туған қыз бала мен жасөспірімнің құтқарылғаны туралы ақпарат түскен болатын. Дамасктен солтүстікке қарай 360 шақырым жерде орналасқан бұл провинция орталығында жер сілкінісі кезінде 47 ғимарат қираған.
Тақырыпқа орай: Түркия мен Сирияда болған жер сілкінісі 3 мыңнан астам адамның өмірін қиды
Жалпы, Al Arabiya агенттігінің хабарлауынша, табиғи апат салдарынан Сирияның солтүстігіндегі 58 елдімекенде тұрғын үйлер қираған.