Қарағанды облысында жұмысшы кен үйіндісінің астында қалып қаза тапты

Қайғылы оқиға 25 қаңтарда болған

Қарағанды облысында ресейлік еншілес кәсіпорын қызметкері кен үйіндісінің астында қалып қаза тапты, деп хабарлайды Azattyq Ruhy.

Қарағанды облысының еңбек инспекциясы жөніндегі департаменті хабарлағандай, қайғылы оқиға 25 қаңтарда болған.

«Қабылдау бункерінде кенді көсеу жұмыстары кезінде «Nova Цинк» ЖШС жұмысшысы оқыстан бункерге құлап кетті. Кен ағыны астында қалған қалған жұмысшы тұншығып қайтыс болды», - делінген хабарламада.

Аталған дерек бойынша арнайы комиссия құрылды. Оқиғаның мән-жайы мен себептері арнайы тергеу қорытындысы бойынша анықталады.

Айта кетерлігі, «Nova Цинк» серіктестігі қорғасын-мырыш кендері өндірілетін Ақжал кен орнында кен игеріп жатыр.

Мақалада

#Қарағанды облысы #қайғылы оқиға #жұмысшы өлімі #кен орны

Алдыңғы жаңалық

Ақтөбе облысында газ жарылып, төрт адам ауруханаға жеткізілді