Хромтауда атыс болып, 5 адам жараланды
Қылмыстық іске қатысы бар үш күдікті ұсталды
20 ақпан күні сағат 22:10 шамасында Хромтау қаласының орталық аудандық ауруханасына оқ тиіп жараланған бес адам түсті, деп хабарлайды Azattyq Rýhy тілшісі Ақтөбе облыстық ПД баспасөз қызметіне сілтеме жасап.
Ведомство өкілдерінің хабарлауынша, шұғыл түрде құрылған тергеу-тексеру тобының жедел шаралар жүргізуі нәтижесінде, бір тәуліктің ішінде үш күдікті анықталып, тұтқынға алынған. Күдіктілер өз кінәларын мойындаған.
«Алдын ала тергеу барысында белгілі болғандай, күдіктілер қылмыс жасаған соң 16 калибрлі екі аңшы мылтығын Хромтау ауданы Бөгенсай ауылының маңына, Ор өзенінің көпірінің астына апарып жасырып қойған. Олардан екі мылтық пен ВАЗ-2114 ресейлік нөмірлі көлігі тәркіленді», – делінген ведомство хабарламасында.
Қазіргі уақытта аталмыш дерек бойынша ҚР ҚК «Адам өлтіруге оқталу» бабы бойынша сотқа дейінгі тергеу жұмыстары басталды.
Күдіктілер уақытша қамау изоляторына қамалып, тиісті сараптамалар тағайындалды.
