Бөкенші ауылының тұрғыны 7 ақпан күні із-түссіз жоғалып кеткен болатын
Асхат Әлжановтың жоғалып кеткені туралы оның туыстары полицияға 10 ақпан күні хабарлаған. Бірнеше күн бойы жүргізілген іздеу жұмыстарының барысында ер адамның мәйіті табылды деп жазады YK-News.
Туыстарының айтуынша, Асхат 7 ақпан күні үйінен шығып кеткен. Ол молаға барып көр қазу жұмыстарына көмектеспек болған көрінеді. Алайда, мұнан кейін 1983 жылғы азаматты көрген-білгендер жоқ.
«14 ақпан күні жоғалған азаматтың денесі өз үйіне жақын жерден табылды. Оның денесінде зорлық-зомбылықтың, азаптаудың белгілері жоқ. Алдын ала болжам бойынша, ер адам үсіп өлген. Қазіргі таңда сот-медициналық сараптама жүргізіліп жатыр», - делінген ШҚО Полиция департаментінің баспасөз қызметі таратқан хабарламада.