Павлодар облысында жоғалып кеткен екі балықшының мәйіті табылды

Павлодар облысында жоғалып кеткен екі балықшының мәйіті табылды, деп хабарлайды Azattyq Ruhy.

Облыстық полиция департаментінің мәліметінше, екі ер адамның денесі 10 қазанда сағат 14.00 шамасында табылған.

«Іздестіру іс-шараларын жүргізу кезінде Құтаяқсор көлінде 8 қазанда хабар-ошарсыз кеткен екі балықшының денесі табылды. Аталған дерек бойынша жергілікті жерде полиция және ТЖ қызметкерлері жұмыс істеп жатыр», - делінген хабарламада.

Қазіргі кезде тиісті сараптамалар тағайындалды, олардың нәтижесі бойынша іс жүргізу шешімін қабылданып жатыр.

Еске салсақ, Екібастұз қаласы Шідерті кенті маңындағы балық аулауға кеткен екі адамның жоғалып кеткенін хабарлаған болатынбыз. Кеше жаңалаудан олардың бірінің көлігі табылған еді.