Шығыс Қазақстан облысының үш ауданында өрт сөндіру жұмыстары жалғасып жатыр

Өртті сөндіру жұмыстары Алтай өңірінде, Күршім және Катонқарағай аймақтарында жүргізілуде, деп хабарлайды Azattyq Ruhy.

Noks.kz мәліметінше, Күршім ауданындағы Марқакөл орман шаруашылығы, Бобровский орман шаруашылығы және Төсқайың ауылдық округі аумағында құрғақ шөп пен бұта-ағаштар өртеніп жатыр. Болжам брйынша өрт аумағы 300 гектарды құрайды.

«Ең жақын елдімекен – Төсқайың ауылы он шақырым жерде орналасқан, оған қауіп төніп тұрған жоқ», – деп атап өтті ШҚО Төтенше жағдайлар департаментінде.

Алтай өңірінде алдын ала өрт аумағы 700 гектарға дейін ұлғайған.

Сонымен қатар 6 қыркүйекте Катонқарағай ауданы аумағындағы орман алқабында (Алтынбел ауылынан 8 шақырым жерде) өрт шықты.