«Ақжайық» мемлекеттік табиғи резерватының аумағында құстар қырылды

Осы жылдың 26-маусым күні «Ақжайық» мемлекеттік табиғи резерватының территориясында, мекеме инспекторлары құстардың өлу фактісін анықтады, деп хабарлайды Azattyq Rýhy ҚР Экология, геология және табиғи ресурстар министрлігінің Telegram каналына сілтеме жасап.

Аймақты тексеру кезінде мыңнан астам Үлкен қарқылдақ, 1200-ден астам Қылаң қарабас шағала және үш жүз Өгіз шағала өлексесі тіркелді. Аталған түрлердің ішінде Қылаң қарабас шағала құсы Қазақстанның Қызыл кітабына енгізілген. 

"Бес құстан, оның ішінде үш Қылаң қарабас шағаладан және екі Өгіз шағаладан ішкі құрылыстарының сынамасы алынып, сараптамаға жолданды", – делінген хабарламада.