Ақмола облысында екі жасар бала дәретхана шұңқырына құлап мерт болды

Ақмола облысында екі жасар бала ауладағы дәретхана шұңқырына құлап мерт болды, деп хабарлайды Azattyq Ruhy.

Облыстық полиция департаментінің хабарлауынша, қайғылы оқиға 13 маусымда сағат 23.30 шамасында болған.

«Бұланды аудандық полиция бөлімінің кезекші бөліміне ауылдардың бірінің тұрғынынан телефон хабарламасы келіп түсті. Қайғылы оқиға туралы хабарлаған әйел екі жасар ұлының жеке үй ауласындағы кәріз шұңқырына құлап кеткен», - делінген ПД хабарламасында.

Оқиға орнына полиция, төтенше жағдайлар қызметі мен жедел жәрдем қызметкерлері келді. Баланың ес жимастан оқиға орнында қайтыс болғаны анықталды.