Қайғылы жол-көлік апаты бүгін, яғни 10 маусымда болған
Алматыдағы Құлжа трактінде қайғылы жол апаты болып, үш адам қаза тапты, деп хабарлайды Azattyq Ruhy.
Алматы қалалық полиция департаментінің баспасөз хабарласына сәйкес, қайғылы жол-көлік апаты 10 маусымда болған. Белгілі болғандай, батыс бағытта келе жатқан BMW 525 жүргізушісі қарсы жолаққа шығып кетіп, Mercedes-Benz көлігімен соқтығысқан.
«Апат салдарынан екі жүргізуші мен Mercedes Benz көлігінің жолаушысы – 1978 жылы туған әйел жол-көлік оқиғасы орнында көз жұмды. Аталған дерек ҚР Қылмыстық кодексінің 345-бабының 4-бөлігімен тіркелді. Сот-медициналық және тергеу сараптамалары тағайындалды», - деді Алматы қалалық ПД Анықтау департаментінің бастығы полиция подполковнигі Олжас Шәріпов.
Олжас Шәріпов сот-медициналық және тергеу сараптамалары тағайындалғанын айтты.