Ақтауда кәріз құдығынан шала туған шақалақтың денесі табылды

Ақтауда кәріз құдығынан шала туған шақалақтың денесі табылды, деп хабарлайды Azattyq Ruhy тілшісі ҚазАқпаратқа сілтеме жасап.

Облыстық полиция департаментінің мәліметінше, айы-күні жетпей туған жансыз шақалақ қаладағы кәріз құдығының бірінен табылған.

«Бүгін, 9 маусымда сағат 11:51-де кезекші 102 пультіне Ақтау қаласының 32-шағын ауданында кәрізден 9 айы толып, өмірге келмеген шарана табылғаны туралы шақыру түсті. Оқиға орнында жедел-тергеу тобы жұмыс істеп, сот-медициналық сараптама тағайындалды. Тергеу шаралары жүргізіле бастады», – делінген ПД хабарламасында.

Аталған факт ҚР ҚК 001-бабы (адамның қайтыс болуы) бойынша СДТБТ-де тіркелді.