Өрттен 8 адам құтқарылды
Ақтөбеде тұрғын үйде шыққан өрттен 8 адам құтқарылды, деп хабарлайды Azattyq Rýhy тілшісі облыстық ТЖД баспасөз қызметіне сілтеме жасап.
Өрт туралы ақпарат 23 қаңтар күні сағат 13:52-де келіп түскен.
«Өрт тұрғын үйдің төртінші қабатындағы электрқалқаннан шыққан. Кейбір пәтер тұрғындары өз беттерінше эвакуацияланған. Кішкентай баласы бар әйелдер пәтерлерінде қамалып қалған. Қатты түтін болғандықтан, олар үйден шыға алмаған», - деп жазылған хабарламада.
Өртті сөндіруге 20 адам мен 4 техника қатысты. Тұрғын үйден 52 адам эвакуацияланды, олардың 13-і балалар. Өрттің себебі анықталып жатыр.