Атырау мұнай өңдеу зауытына қатысты қылмыстық іс қозғалды

Azattyq Rýhy

Бұл туралы ҚР Бәсекелестікті қорғау және дамыту агенттігінің баспасөз қызметі хабарлады

Атырау мұнай өңдеу зауытына қатысты қылмыстық іс қозғалды
Фото: gov.kz

ҚР Бәсекелестікті қорғау және дамыту агенттігінің Атырау облысы бойынша департаменті Атырау облысы бойынша прокуратурасының басшылығы «Атырау мұнай өңдеу зауыты» ЖШС қызметін тексеру шеңберінде 2020-2021 жылдары шикі мұнайды қайта өңдеу бойынша жұмыстарды орындауға монополиялық жоғары баға белгілеу түрінде АМӨЗ үстем жағдайын теріс пайдалану фактілерін анықтады, деп хабарлайды Azattyq Rýhy.

Ведомство мәліметінше, монополияға қарсы департаменттің қорытындысы Іс жүргізу шешімін қабылдау үшін Атырау облысы бойынша прокуратурасына жіберілді.

«Өңірлік прокуратурамен ҚР Қылмыстық Кодексінің 221-бабы «Монополистік қызмет» бойынша «АМӨЗ» ЖШС қатысты сотқа дейінгі тергеу басталып, 2020-2021 жылдары шикі мұнайды қайта өңдеу бойынша қызметтерге монополиялық жоғары бағаны белгілеу фактісі бойынша Атырау облысы бойынша Экономикалық тергеу департаментіне жолданды», - делінген агенттік хабарламасында.

×
Бұл желілік ресурстың ақпараттық өнімдері 18 жастан асқан адамдарға арналған.