Шығыс Қазақстанда сібір елігін атқан браконьер ұсталды

Azattyq Rýhy

Күдікті 5 жылға дейін бас бостандығынан айырылуы мүмкін

Осы жылдың ақпан айының басында Жарма ауданының полиция қызметкерлері «Омбы-Майқапшағай» тас жолының бойында заңсыз аңға шығып, сібір елігін атқан 55 жастағы Семей қаласының тұрғынын ұстады, деп хабарлайды Semeynews.kz.   

ШҚО ПД баспасөз қызметінің хабарлауынша, ұсталған кезде күдіктінің әріптесіне тиесілі «Volkswagen» автокөлігі, сондай-ақ күдікті азаматтың атына тіркелген, 16х2 калибрлі «ИЖ – 58» мылтығы, 7.62 мм калибрлі «Вепрь-Супер» мылтығы, 7.62 мм калибрлі 2 гильза, пышақ және бір елік ұшасы тәркіленді. Келтірілген залал 765 000 теңгеден астам сомаға бағаланды.

Ер адам полиция бөліміне жеткізілді, оған қатысты келу міндеттемесі түрінде бұлтартпау шарасы таңдалды.

Аталған факті бойынша ҚР ҚК – нің 337-бабының 3-бөлігі – «Заңсыз аң аулау» бойынша сотқа дейінгі тергеу басталды, оның санкциясымен 5 жылға дейін бас бостандығынан айыру түріндегі жаза көзделген.
 

×
Бұл желілік ресурстың ақпараттық өнімдері 18 жастан асқан адамдарға арналған.