Нұр-Сұлтанда экстремизм бойынша күдікті топ ұсталды

ҚР Ұлттық қауіпсіздік комитеті Нұр-Сұлтан қаласы сотқа дейінгі тергеу шеңберінде деструктивті діни ағым ұстанушылар тобын қолға түсірді, деп хабарлайды Azattyq Rýhy.

«Олар Қазақстан аумағында сот шешімімен тыйым салынған діни ұйымға қатысты және экстремистік әрекет ұйымдастыру үшін адамдарды тартты деген күдікке ілініп отыр», - делінген ҚР ҰҚК баспасөз хабарламасында.

Ұсталғандардың екеуінің жарылғыш заттарды заңсыз сақтағаны және ұрлық үшін сотталғандығы бар.

Тұрғылықты жерлері бойынша тінту жүргізу кезінде экстремистік мазмұндағы әдебиет және басқа да заттай дәлелдемелер алынды.

Қазіргі уақытта тергеу іс-қимылдары жалғасып жатыр.