Шымкентте әйел адамды пышақтап өлтірген екі жігіт ұсталды

Azattyq Rýhy

Марқұм 28 жаста болған

Шымкентте әйел адамды пышақтап өлтірген екі жігіт ұсталды

Шымкентте әйелді пышақтап өлтірген екі Түркістан облысының тұрғыны ұсталды, – деп хабарлайды Polisia.kz.

17 қаңтарда Абай ауданының Полиция басқармасына «1 мамыр» көшесі бойында орналасқан үйлердің бірінің пәтерінен әйел адамның мәйіті табылғаны туралы хабарлама түсті. Оқиға орнына жеткен жедел-тергеу тобы мәйіт 28 жастағы әйел адам екенін анықтады. Мәйітті қарау кезінде пышақ жарақаттары анықталды.

Аталған жайт ҚР Қылмыстық кодексінің 99-бабы (Адам өлтіру) бойынша сотқа дейінгі тергеп-тексерудің бірыңғай тізіліміне тіркелді. Іс бойынша сот-медициналық сараптама тағайындалды.

Жедел-іздестіру шаралары барысында 18 және 19 жастағы Түркістан облысының тұрғындары анықталып, ұсталды.

Күдіктілер уақытша ұстау изоляторына қамалды. Қазіргі уақытта жайт бойынша тергеп-тексеру амалдары жүргізілуде.

×
Бұл желілік ресурстың ақпараттық өнімдері 18 жастан асқан адамдарға арналған.