Алматыда тәртіпсіздікке қатысты деген күдікпен 2,5 мыңға жуық адам ұсталды

Алматы қаласы комендатурасы қалада терроризмге қарсы операция басталғалы бері 2402 адамның ұсталғанын мәлімдеді, деп хабарлайды Azattyq Rýhy.

Белгілі болғандай, арнайы операция барысында Алматыда лаңкестік, тонау және басқа да қылмыстардың 2402 қатысушысы ұсталды. 79 бірлік атыс қаруы мен 3976 оқ-дәрі тәркіленді.

«Өткен тәуілікте «102» пультіне 586 хабарлама келіп түсті. Комендатураның сall-орталығына азаматтардан жедел әрекет етуді талап ететін 93 дабыл қабылданды. Барлық хабарламалар дер кезінде өңделді»,- деді Алматы қаласы комендатурасының ресми өкілі Салтанат Әзірбек.

Комендатура тұрғындарды коменданттық сағатты бұзбауға шақырады.