Шымкентте диплом сатып алмақ болған азамат 700 мың теңгесінен айырылды

Azattyq Rýhy

Алаяқтық жасаған азамат жәбірленушінің ақшасын алғанын мойындады

Шымкентте диплом сатып алмақ болған азамат 700 мың теңгесінен айырылды

Шымкентте диплом сатып алмақ болған түркістандық 700 мың теңгесінен айырылды, деп хабарлайды Polisia.kz.

Әл-Фараби ауданды Полиция басқармасына Түркістан облысының тұрғыны арызданған. Жәбірленушінің айтуынша, бейтаныс азамат Шымкент қаласындағы оқу орындарының бірінен диплом жасап беретінін айтып, алаяқтық жолмен 700 мың теңгесін алған. Алайда арада уақыт өтсе де не диплом, не ақшасын кері қайтарып ала алмаған.

Аталған жайтты тәртіп сақшылары ҚР ҚК-нің 190-бабы (Алаяқтық) бойынша сотқа дейінгі бірыңғай тізіліміне тіркеді. Жедел-тергеу тобы арызданушы азаматшаның жауабына сәйкес шұғыл-іздестіру жұмыстарын жүргізді. Нәтижесінде тәртіп сақшылары азаматтың жеке басын анықтап, оны Әл-Фараби АПБ-на жеткізді.

Алаяқтық жасаған азамат жәбірленушінің ақшасын алғанын мойындады. Қазіргі таңда сотқа дейінгі тергеп-тексеру амалдары жүргізілуде. Оның осыған ұқсас басқа да алаяқтық жайттарына қатысы бар-жоғы анықталуда.

×
Бұл желілік ресурстың ақпараттық өнімдері 18 жастан асқан адамдарға арналған.