Ақмола облысында Toyota автокөлігі жол бойындағы сатушыларды қағып кетті

Ақмола облысындағы трасса бойында Toyota Camry автокөлігінің жүргізушісі көшеде тұрған екі сатушыны қағып кетті деп хабарлайды «ҚазАвтожол» ұлттық компаниясының баспасөз қызметі.

Жол көлік оқиғасы Нұр-Сұлтан – Щучинск тас жолының 208-ші шақырымында болған. 25 жастағы жүргізуші өзге көлікпен соқтығысудан қашып, көлігін жол шетіне қарай бұрған және жол жиегінде ас-ауқат сатып отырған 35 және 40 жастағы екі әйелді қаққан. Олар түрлі дене жарақаттарымен Бұланды аудандық ауруханасына жеткізілді.

Сондай-ақ, жүргізушіден бөлек автокөлікте тағы үш жолаушы болған. Олар дін-аман.