Оралда ер адам сүйіктісін қызғаныштан пышақтап өлтірді

Полицейлер кісі өлтірді деген күдікпен оралдық тұрғынды ұстады, деп хабарлайды Polisia.kz.

Оқиға 5 қараша күні қаланың шағын аудандарының бірінде болды. Жалдамалы пәтерде көптеген пышақ жарақаты салынған 40 жастағы әйелдің денесі табылды. Сот-медициналық сараптама тағайындалды.

«Жедел-іздестіру шаралары барысында 42 жастағы ер адам анықталып, уақытша ұстау изоляторына қамалды. Екеуінің кездесіп жүргені, пәтер жалдап, бірге ішімдік ішкені анықталды. Ер адам мас күйінде сүйіктісін қызғаныштан өлтірген. Қазіргі таңда ҚР ҚК 99-бабы 1-бөлігіне (Адам өлтіру) сәйкес сотқа дейінгі тергеу амалдары жүргізілуде», – деді БҚО ПД ресми өкілі Болатбек Нұрғожин.