Бас қалада көлік пен аялдама әйнегін сындырған қыз ұсталды

Нұр-Сұлтан қалалық Полиция департаменті баспасөз қызметінің хабарлауынша, кеше түнгі сағат 22.11-де ПД жедел басқару орталығына Бөгенбай батыр даңғылы бойында белгісіз біреу аялдаманың және жақын маңда тұрған көліктердің әйнегін сындырып жатқаны туралы хабарлама түскен.

Полиция қызметкерлері бұзақылық әрекетке барған 23 жастағы Петропавл қаласының тұрғынын ұстады.

"Ұсталған қызға қатысты қоғамдық тәртіпті өрескел бұзғаны және бөтеннің мүлкін бүлдіргені үшін сот алды тергеу басталды. Шығын сомасы есептеліп жатыр", – деді "Байқоңыр" ауданы ПБ басшысының орынбасары Дархан Сайранбеков.