Павлодарда кірпіш білдегі жаншып кеткен ер адам көз жұмды

Автор: Azattyq Rýhy

Қайғылы оқиға кәсіпорындардың бірінің өндірістік цехында болды

Фото: ашық дереккөзден

Павлодарда кірпіш білдегі жаншып кеткен ер адам көз жұмды деп хабарлайды Рavlodarnews.kz.

Облыстық полиция департаменті баспасөз қызметінің мәліметінше, 29 қыркүйек күні сағат 21.25-те жұмысшыны кірпіш дайындау білдегі жаншып кеткен. 

«58 жастағы ер адам алған дене жарақатынан оқиға орнында көз жұмды. Сот-медициналық сараптама тағайындалды. Тексеру жүргізіліп жатыр», - деп хабарлады департаментте.

Облыстық еңбек басқармасында оқиғаның мән-жайы анықталып жатқанын хабарлады.