Жамбыл облысында Chevrolet Cobalt пен жүк көлігі соқтығысып, жолаушы көз жұмды

Тағы бір адам ауруханаға жеткізілді

Батыс Еуропа – Батыс Қытай тас жолының Жамбыл облысы Тұрар Рысқұлов ауданына қарасты бөлігінде Chevrolet Cobalt жеңіл автокөлігі техникалық жүк көлігіне соғылып, салдарынан бір адам қайтыс болды.

Оқиға 24 қыркүйекте тас жолдың 430-шақырымында болған. Соққының қатты болуынан жүк тиегіш жол бойына құлаған. Ал, жеңіл көліктің салонында болған жолаушы оқиға орнында көз жұмды. Жүргізуші түрлі дене жарақаттарымен ауруханаға жеткізілді.

Қазіргі таңда оқиғаның мән-жайын полицейлер анықтап жатыр. Сотқа дейінгі тергеу амалдары жүргізілуде.

×
Бұл желілік ресурстың ақпараттық өнімдері 18 жастан асқан адамдарға арналған.