Павлодарда слесарь жұмыс кезінде екі саусағынан айырылды

Павлодарда слесарь екі саусағынан айырылды, деп хабарлайды Pavlodarnews.kz. 

Павлодар облысы ІІД баспасөз қызметінің мәліметінше, өткен сенбіде сағат 15:00-де өндірістік апат орын алған.

«Циолковский көшесіндегі ЖШС бірінің аумағында 41 жастағы слесарь нығыздау машинасында жұмыс істеп жатқан кезде жарақат алды», - деді департаментте.

Облыстық денсаулық сақтау басқармасының ақпараты бойынша, ер адам политравма алған: тізе сүйегінің сынуы, аяқтарының жараланған жарақаттары мен кеуде тұсының көгеруі тіркелген, сол қолының екі саусағынан айырылған.

«Науқастың жағдайы ауыр. Жансақтау  бөлімінде жатыр», -  деді ведомствода.

Еңбек инспекторлары өндірістегі жазатайым оқиғаны тексереді.