ШұғылКоронавирусты жұқтыру қарқынында өсім байқалды

«Келінім бетімнен ұрды»: Павлодарда зейнеткерге қол көтерген әйел жазаланды

45 жастағы қала тұрғыны мас күйде болған

Фото: ашық дереккөзден

Павлодарда алкоголь ішіп, жанжал шығарған әйел жазаланды, деп хабарлайды Polisia.kz.

Павлодар қаласының полициясына 72 жастағы қала тұрғыны көмек сұрап хабарласқан. Оның 45 жастағы келіні алкоголь ішіп, зейнеткермен қарым-қатынастарын анықтап, кейін зейнеткердің бетінен ұрғаны туралы шағымданды. Ұрып – соққаны үшін 45 жастағы тұрғын ҚР ӘҚБтК-нің 73-2-бабы бойынша әкімшілік жауапкершілікке тартылды.

Полиция отбасылық-тұрмыстық құқық бұзушылықтар күрделі әлеуметтік проблемалардың бірі екенін атап өтті. Тәжірибе көрсеткендей, отбасы мен тұрмыстағы адамдар арасындағы туыстық қатынастарға қарамастан, қатынастардың дәл осы саласы әртүрлі қақтығыстарға бейім.

Полицейлер отбасындағы зорлық-зомбылықты анықтауға және оның алдын алуға, спиртті асыра пайдаланатын адамдарды анықтауға, азаматтардың өмірі мен денсаулығына қарсы тұрмыстық қылмыстардың жолын кесуге бағытталған алдын алу іс-шараларын жүргізеді. Өкінішке орай, көбінесе жәбірленушілердің өздері қылмыстар туралы жеткізбейді.

Жыл басынан бері учаскелік полиция инспекторлары отбасы-тұрмыстық қатынастар саласындағы құқыққа қайшы әрекеттері үшін 2181 құқық бұзушыны әкімшілік жауапкершілікке тартты. Құқық бұзушының мінез-құлқына 412 ерекше талап белгіленген. ҚР ӘҚБтК-нің 461-бабы бойынша қорғау нұсқамаларын бұзғаны үшін 476 адам тартылды.

Полиция қызметкерлері мүдделі органдармен бірлесіп, отбасылық-тұрмыстық қылмысқа қарсы іс-қимылда күш-жігерін арттыруды жалғастыруда. Зорлық-зомбылық болуы мүмкін отбасыларға ерекше назар аударылады. Бұрын сотталған адамдарға, сондай-ақ қоғамға қарсы өмір салтын жүргізетін азаматтарға бақылау жүргізіледі.