Алматы облысында жантүршігерлік жол апатынан 4 адам қаза тапты

Алматы облысының Райымбек ауылында ірі жол апаты болды. Toyota Carina және «Лада 2107» көліктері соқтығысып, төрт адам көз жұмды, тағы төрт адам зардап шекті, деп хабарлайды Azattyq Rýhy Sputnik.kz-ке сілтеме жасап.

Жантүршігерлік жол-көлік оқиғасының видеосы әлеуметтік желілерде тарады. Куәгерлердің айтуынша, бетпе-бет соқтығысу салдарынан екі көліктің де алдыңғы бөлігі жапырылып, жұлынып кеткен.

Алматы облысы Полиция департаментінің баспасөз қызметі апат таңғы 08:40-та болғанын растады. Алдын ала мәліметке сәйкес, Toyota Carina жүргізушісі жолдың қарама-қарсы қозғалыс бағытына шығып кеткен.

«Лада 2107» көлігінің 21 жастағы жолаушысы оқиға орнында жан тапсырды. «Лада 2107» көлігінің 61 жастағы жүргізушісі мен Toyota Carina-ның екі жолаушысы Қаскелең ауруханасында қайтыс болды. Төрт адам түрлі жарақат алды", - деді ведомствоның баспасөз қызметі.

Оқиғаға қатысты сараптамалар тағайындалды.