Павлодарда екі жүк көлігі мен бір жеңіл автокөлік соқтығысты

Павлолар облыстық Төтенше жағдайлар департаментінің мәліметінше, 26 шілде күні сағат 17:57-де Успен көпірі аймағында өрт шыққан, деп хабарлайды Pavlodarnews.kz.

«Екі жүк көлігі мен бір жеңіл автокөліктің соқтығысуы салдарынан Mercedes жүк көлігінің кабинасы толық, Volvo-ның кабинасы түгелдей ал тіркемесі жартылай жанып кетті», - делінген хабарламада.

Жалпы ауданы 40 шаршы болатын 10 дана кабельдік катушкалар өртенді. Сонымен қатар, ауданы 30 шаршы метрді құрайтын жерге жанар-жағармай төгілген.

Оқыс оқиға салдарынан 1974 жылы туған Volvo жүк көлігінің жүргізушісін жедел жәрдем бригадасы Павлодар қалалық №1 ауруханасына жеткізді. 

Ал қақтығыс салдарынан шыққан өртті мамандар сағат 18:32 сөндірді.

Қазіргі таңда жол көлік оқиғасының себебі мен келтірілген шығын көлемі анықталуда. Оқыс оқиға болған жерде облыстық Төтенше жағдайлар департаментінің 3 техникасы мен 18 адам жұмыс істеді.