«Ішерге су жоқ»: Алматы облысында тұрғындар билікке наразылық ретінде жолды жауып тастады

Алматы іргесіндегі тұрғын үй кешендерінің бірінде тұратын халық Алматы – Талғар тас жолын жауып тастады. Тұрғындардың мұндай қадамға баруына ауыз судың болмауы себеп.

Оқиға 11 шілдеде түнгі сағат 23:00-де басталған. «Нүрия» тұрғын үй кешенінің жүздеген тұрғыны тас жолға шығып, ондағы қозғалысты мүлдем тоқтатқан. Оқиға орнында түсірілген видеокадрлар әлеуметтік желілерде тез тарады.

Тұрғындармен кездесуге аудандық әкімдіктен шенділер келген. Олар судың жоқтығы – құбырдың төрт рет тесілуінен деп түсіндірді. Қазіргі таңда жөндеу жұмыстары аяқталып, су беру қалпына келтірілді деп ант-су ішті олар.