ШұғылҚазақстанда өткен тәулікте 7,5 мың адам коронавирус жұқтырды

Көкшетауда кітапханашы марихуана сатып келген

Полиция облыс орталығының 9 тұрғынын ұстады

Ақмола облысының аумағында өткен «Дәрмек» желе-алдын алу іс-шарасының 4 күні ішінде полицейлер есірткі құралдарының, психотроптық заттар мен прекурсорлардың заңды айналымы бойынша полицейлер 2 қылмыстық және 6 әкімшілік іс қозғалды, деп хабарлайды Aqmola News.

2021 жылғы 24-28 мамыр аралығында Ақмола облысының аумағында «Дәрмек» жедел алдын алу іс-шараларының екінші кезеңі өтуде. Аталған іс-шара бақылаудағы есірткі құралдарын анықтауға және заңсыз айналымының жолын кесуге бағытталған.

Облыс орталығының емдеу мекемелерінің бірін тексеру кезінде провизордың құрамында кодеин бар препараттардан 79 ампуланы жоймау фактісі анықталды. Провизорға қатысты ҚР ҚК 303-бабы 1-бөлігі (есірткі құралдарымен, психотроптық заттармен және прекурсорлармен жұмыс істеу қағидаларын бұзу) бойынша сотқа дейінгі іс басталды.

«Әкімшілік заңнаманы бұза отырып, облыстың бес дәріханасында құрамында кодеин бар дәрілік препараттарды рецептісіз босатуға жол берілген. Дәріханалардың фармацевтеріне қатысты ҚР ӘҚБтК-нің 426-бабы 1-бөлім (фармацевтикалық қызмет ережелерін бұзу) бойынша әкімшілік хаттамалар жасалды. Сонымен қатар Көкшетау қаласы кітапханаларының бірінің 50 жастағы қызметкері «марихуана» есірткі құралын заңсыз өткізу фактісі анықталды, оған қатысты ҚР ҚК 297-бабы 1-бөлігі «Есірткі құралдарын заңсыз өткізу» бойынша сотқа дейінгі іс басталды»,- делінген хабарламада.

Полиция аумақтық органдарының қызметкерлері облыс орталығының 9 тұрғынын ұстады, олардан есірткі заттары табылып, тәркіленді. Әрқайсысына қатысты ҚР ҚК 296-бабы «Есірткі құралдарын заңсыз сақтау» бойынша қылмыстық іс қозғалды.

«Допинг» жедел алдын алу іс-шарасы кезінде барлығы 1 емдеу-алдын алу мекемесі, 1 қойма және 5 дәріхана тексерілді.