Шамалғандағы апаттан зардап шеккен қыздың біреуі есін жиды

Шамалғандағы пойыз бен автобустың соғысуы салдарынан ауыр жарақат алған қос бүлдіршіннің бірі жансақтау бөлімінен шықты

2014 жылы туған Әубәкір Айару Бағланқызын дәрігерлер бөлімшеге шығарған. 8 күннен соң ғана есін жиған 5 жастағы бала қазір жасанды тыныс алдыру аппаратына қосылған. Алматы қалалық Қоғамдық денсаулық сақтау басқармасы баспасөз қызметінің хабарлауынша Айару кеше есін жиған, денсаулығы бірқалыпты. Бүгін мамандандырылған бөлімге ауыстырылады.

Оқи отырыңыз: Шамалғандағы жол апатынан зардап шеккен екі бүлдіршіннің жағдайы өте ауыр

«5 жастағы баланы алдағы уақытта операцияға кіргізу мәселесі тұрған жоқ. Емделеді, содан кейін оңалту үшін №2 балалар клиникалық ауруханасына жібереміз», - деді Алматы қалалық Қоғамдық денсаулық сақтау басқармасы баспасөз қызметінің жетекшісі Набира Эсенова.

Шамалғандағы апаттан зардап шеккен екінші бүлдіршін - 3 жастағы Інжудің денсаулығын дәрігерлер әлі де ауыр деп бағалап отыр.

Әмірболат Құсайынұлы, Алматы