ШұғылҚазақстанда бір тәулікте 1430 адамнан коронавирус анықталды

Алматыда мас жүргізуші төрт адамды қағып кетті

Олардың барлығы №4 қалалық ауруханаға жеткізілген

Фото: ашық дереккөзден

Алматыда мас жүргізуші төрт адамды қағып кетті, деп хабарлайды Azattyq Rýhy тілшісі.

Жол апатының видеосы Instagram әлеуметтік желісіндегі @Almaty_kris_p парақшасында жарияланды. Видео кадрлардан бағанаға соғылған Range Rover көлігін және жерде жатқан ер адамды көруге болады. Видео авторы жердегі адамның көліктің иесі екенін айтады.

Жол-көлік оқиғасы орталық мешіттің жанында болған. Пушкин мен Мәметова көшелерінің қиылысындағы бетон бағанға соғылып бір-ақ тоқтаған жол талғамайтын көліктің жүргізушісі масаң күйде болған.

Алматы қалалық Қоғамдық денсаулық сақтау басқармасының баспасөз қызметі жол апатынан төрт адамның зардап шеккенін мәлімдеді. Олардың барлығы №4 қалалық ауруханаға жеткізілген. Сондай-ақ, жол апатынан тағы бірнеше жеңіл автокөлік зақымданған.

Әмірболат Құсайынұлы, Алматы