Бір ғана ардагер қалды: Атыраудағы екі майдангердің біреуі дүние салды

Атырауда Ұлы Отан соғысының ардагері Айдын Айбаров өмірден өтті, деп хабарлайды Azattyq Rýhy «Ақ Жайық» басылымына сілтеме жасай отырып.

«Биыл майдангер Жеңіс мерекесін осы күнге жеткен екінші соғыс ардагері Закария Сұлтановпен бірге қарсы алған болатын», - делінген хабарламада.

Биылғы 16 қазан күні Айдын Айбаров 100 жасқа толар еді.

Ол 1921 жылы 16 қазанда Мақат ауданы Доссор кентінде дүниеге келген. Мектептен кейін өз еркімен Чкалов пен Пермьдегі әскери мектепте оқыды, сол кезде олар штурман ұшқыштарын дайындады. Оқуды аяқтағаннан кейін 49-шы жеке ұшу полкінде, 956-шы авиациялық шабуыл полкінде барлаушы-ұшқыш болып қызмет етті. Белоруссия мен Пруссияны азат етуге қатысты. Елге 1947 жылы оралды.  

Айдын Айбаров Отан соғысы орденімен, ІІ дәрежелі Даңқ орденімен, «Ерлігі үшін» және «1941-1945 жылдардағы Ұлы Отан соғысында Германияны жеңгені үшін» медальдарымен марапатталған. 

Айта кетерлігі, Атырау облысында былтыр, яғни 2020 жылы Жеңіс күнін сегіз ардагер қарсы алған болса, енді өңірде тек бір ғана ардагер қалды.