Атырау облысында жол-көлік апатынан 2 адам қаза тапты

Атырау облысында ірі жол-көлік апаты болып, 2 адам оқиға орнында қаза тапты. Сондай-ақ, ауыр жарақатпен 4 адам ауруханаға жеткізілді, деп хабарлайды Azattyq Rýhy.  

«Жол-көлік апаты Құрманғазы ауданындағы №9 теміржол бекетінің тұсында болды. «УАЗ» бен Lada Largus көліктерінің соқтығысуы салдарынан 18 және 30 жастағы екі ер адам көз жұмды. Тағы 4 адам түрлі жарақатпен аудандық ауруханаға жеткізілді», - делінген облыстық Полиция департаментінің баспасөз хабарламасында.

Қазіргі уақытта аталған факт бойынша ҚР Қылмыстық кодексінің 345-бабының 4-бөлігімен сотқа дейінгі тергеп-тексеру жұмыстары жүргізіліп жатыр.