Тілсіз жаудан зардап шеккендер жоқ
Екібастұзда майнинг фермасында өрт шықты. Қазіргі таңда өрттің шығу себебі мен келтірілген шығын көлемі анықталуда, деп хабарлайды Рavlodarnews.kz.
«Солнечный кентінде орналасқан «ВТС-KZ» ЖШС-нде өрт шыққаны туралы хабарлама сағат 15:01-де келіп түсті. Майнинг фермасы аумағында майнинг пен қабырғаларды қаптауға арналған жабдықтар жанған. Жалпы ауданы 150 шаршы метр жанған», - дейді облыстық ТЖД баспасөз қызметіндегілер.
Оқиға орнында 14 адам мен үш техника жұмыс істеді.
Зардап шеккендер жоқ. Тілсіз жау сағат 17:37-де сөндірілді.