Павлодарда өз-өзіне қол жұмсаған полиция қызметкеріне қатысты тергеу басталды

Павлодар облысының полиция департаментіндегілер полиция қызметкерінің өз-өзіне қол жұмсау фактісі бойынша түсініктеме берді. Ведомство өкілі «Өзiн-өзi өлтiруге дейiн жеткiзу» бабы бойынша тергеу басталғанын мәлімдеді.

«Өзін-өзі өлтіру фактісі бойынша қоңырау 5 сәуірде түскен. Аталған факті тіркеліп, Қылмыстық кодекстің 105-бабы бойынша сотқа дейінгі тергеу жүргізілуде. Сот-медициналық сараптама тағайындалды. Мән-жайлар мен себептер анықталуда, - деді ПД бастығының міндетін атқарушы Жасқайрат Қайыров.

Полиция өкілі тергеу мүддесіне қатысты басқа ақпараттар жарияланбайтынын атап өтті.