Олар бюджет қаражатын жымқырды деген күдікке ілінген
Сыбайлас жемқорлыққа қарсы қызмет жыл басынан бері сотқа дейінгі 650 (649) тергеуді тіркеді. 60 лауазымды тұлға ұсталды, 57 адамға қатысты «күзетпен ұстау» бұлтартпау шарасы қолданылды.
2020 жылы «ҚР Үкіметінің шұғыл шығындарға арналған резервінің есебінен ағымдағы іс-шаралар өткізу» бағдарламасы бойынша компьютерлер, планшеттер және ноутбуктер сатып алуға бөлінген бюджет қаражатын ұрлау фактілері бойынша білім басқармаларының лауазымды тұлғаларына қатысты 6 қылмыстық іс (олардың 3-і осы аптада тіркелген) тергелуде.
Қаражат білім беру процесінің онлайн форматқа көшуіне байланысты мектеп оқушыларын, оның ішінде аз қамтылған отбасыларды компьютерлік техникамен қамтамасыз ету үшін шұғыл қажеттілік ретінде бөлінді.
******************
«Бәйтерек» холдингіне кіретін «Қазақстан тұрғын үй компаниясы» АҚ басқарма төрағасының орынбасарына қатысты қылмыстық істі сотқа жолдады.
Ол ортақ мүлікті басқару (жылумен және электрмен қамтамасыз ету) бойынша ұйымның қызмет көрсету актісіне қол қойғаны үшін заңды тұлғаның құрылтайшысынан 2,4 млн теңге сомасында пара алды деген күдікке ілінді.
******************
Жамбыл облысы бойынша Мемлекеттік кірістер департаменті басқармасының бұрынғы басшысына қатысты аса ірі мөлшерде пара алу фактісі бойынша қылмыстық іс бойынша тергеу аяқталды.
Ол салықтық тексеруді уақытылы және кедергісіз аяқтағаны үшін 100 мың АҚШ доллары сомасында пара алды деген күдікке ілінді және МКД тарапынан басқа кәсіпорындардың коммерциялық қызметін кедергісіз жүзеге асыруға мүмкіндік берді.
******************
Өзін Сыбайлас жемқорлыққа қарсы қызметтің өкілі ретінде таныстырған азамат түрлі мәселе шешкені үшін 15-тен 30 мың АҚШ долларына дейін және 30-дан 60 млн теңгеге дейін ақша қаражатын алған.
Іс бойынша қылмыс жасаудың 6 эпизоды бар. Мәселен, БҒМ комиссиясымен мәселені шешу сылтауымен, университеттің білім беру қызметімен айналысуға арналған лицензиядан айырылмау үшін соңғысы 30 мың АҚШ доллары және 60 млн теңге сомасында ақшалай қаражат алған.
Ол мәселені оң шешкені үшін жеке компанияның пайдасына 15 мың АҚШ долларын, Нұр-сұлтан қаласының әкімдігіне жұмысқа орналастырғаны үшін 25 мың АҚШ долларын және т. б. алды.
******************
Қостанай облысы бойынша Экономикалық тергеу департаментінің жедел басқармасының аса маңызды істер жөніндегі жедел уәкіліне қатысты сотқа дейінгі тергеу аяқталды. Ол сенімді тұлға арқылы кәсіпкерлік субъектілерінен жүйелі түрде пара алды деген күдікке ілінді.
Заңсыз сыйақы жалған есепке алу-бақылау таңбаларымен алкоголь өнімін өткізуде жауапкершілікке тартылмағаны және қамқоршылығы үшін берілді.
Құқық қорғау органының қызметкері ұсталды және соттың санкциясымен күзетпен ұсталады.
*******************
Қостанай облыстық адвокаттар алқасының адвокатына қатысты сотқа дейінгі тергеуді аяқтады.
Ол кәсіпорын директорын 2 млн.теңге сомасында пара беруге айдап салғаны үшін, Қостанай облысы ЭД қызметкерлеріне беру үшін, қылмыс құрамының болмауына байланысты оған қатысты қылмыстық істі тоқтатқаны үшін күдікті.
Қылмыстық іс сотқа жолданды.
*******************
Мұнайлы ауданы әкімі аппаратының «Тұрғын үй-коммуналдық шаруашылық және автомобиль жолдары бөлімі» ММ басшылығына қатысты «Жұмыспен қамту жол картасы - 2020» мемлекеттік бағдарламасы шеңберінде іске асырылатын Мұнайлы ауданында кентішілік жолдарды салу кезінде қамқорлық көрсеткені үшін заңды тұлғалардан 1 млн теңге мөлшерінде пара алу фактісі бойынша сотқа дейінгі тергеуді аяқтады.
Сотқа дейінгі тергеу барысында күдікті адам қылмыстық құқық бұзушылық жасағаны үшін кінәсін мойындады.
Аталған құрылыс нысандары Маңғыстау облысының прокуратурасы, сыбайлас жемқорлыққа қарсы қызмет және азаматтық қоғам тарапынан бірнеше рет сынға ұшырағанын атап өткен жөн.
Атап айтқанда, бұған дейін Мұнайлы ауданында жол құрылысы барысында сапасыз жұмыстарды орындау фактілері бойынша кең қоғамдық резонанс алған Жарияланымдар әлеуметтік желілер мен БАҚ-та орналастырылған болатын.
******************
«Маңғыстау мемлекеттік тарихи-мәдени қорығы» ММ басшысының міндетін атқарушы және ЖШС директорына қатысты сотқа дейінгі тергеу аяқталды.
Олар «Ақмыш шатқалы» табиғи ескерткішін абаттандыруға бағытталған ақшалай қаражатты жымқырды, бұл мемлекетке 7 420 200 теңге көлемінде залал келтірді.