ШұғылҚазақстанда өткен тәулікте 2656 адамнан коронавирус инфекциясы анықталды

Таразда интимдік қызмет ұсынған үш притон жабылды

Аталған деректерге қатысты сотқа дейінгі тергеу амалдары басталды

Таразда интимдік қызмет ұсынған үш притон жабылды. Аталған деректерге қатысты ҚР ҚК 309-бабы 1-бөлігі (жезөкшелікпен айналысуға арналған притонды ұйымдастыру немесе ұстау және жеңгетайлық) бойынша сотқа дейінгі тергеу амалдары басталды.

«Стоп-Трафик» жедел-алдын алу іс-шарасының үш күнінде полиция қызметкерлері Тараз қаласында «түнгі көбелектер» қызметін ұсынған үш бірдей притонды жапты. Жеңгетайлықпен айналысқаны үшін 48 жастағы екі әйел мен 34 жастағы келіншек ұсталып отыр.

Аталған деректерге қатысты ҚР ҚК 309-бабы 1-бөлігі (жезөкшелікпен айналысуға арналған притонды ұйымдастыру немесе ұстау және жеңгетайлық) бойынша сотқа дейінгі тергеу амалдары басталды. Ұсталған азаматшалар кінәсін толықтай мойындады.

Профилактикалық есепке «сутенер» санаты бойынша 3 адам және жезөкшелікпен айналысқаны үшін 8 әйел қойылып отыр. «Стоп-Трафик» шарасы одан әрі жалғасуда.