ШұғылКоронавирус пен КВИ пневмониясынан бір тәулікте 32 қазақстандық қайтыс болды

Қостанай облысында газ жарылды

Қаза болғандар мен зардап шеккендер жоқ

Лисаковте пеште тұрған тамақты қараусыз қалдыру салдарынан газ жарылды, деп хабарлайды Azattyq Rýhy тілшісі Alau.kz басылымына сілтеме жасап.

27 наурызда Лисаков қаласының мамандандырылған өрт сөндіру бөлімі пультіне 5 шағын ауданындағы 5 қабатты үй пәтерлерінің бірі түтіндеп жатқаны туралы хабарлама келіп түсті.

«Өрт асүйдегі пеште тамақ пен қайнап жатқан суды қараусыз қалдыру салдарынан шыққан. Газ қоспасы ауаға жайылып, нәтижесінде жарылыс болған. Көрші екі пәтер арасындағы жұқа қабырға қирады. Пәтерде 1993 жылы туған ер адам болған. Көрші пәтерде үш ересек тұрғын және он айлық сәби болғаны анықталды», - деп хабарлады ТЖД өкілдері.

Қаза болғандар мен зардап шеккендер жоқ.