Қарағанды облысында жол апатынан бір адам қаза тапты

Қарағандыда жеңіл автокөлік жолаушылар автобусымен соқтығысып, салдарынан Honda жүргізушісі қаза тапты, екі адам зардап шекті, деп хабарлайды Azattyq Rýhy тілшісі Қарағанды облысы ПД баспасөз қызметі өкіліне сілтеме жасап.

«Жол-көлік оқиғасы кезінде автобус салонында 30-ға жуық жолаушы болған, олардың екеуіне медициналық көмек көрсетілді. Аталған дерекке "Абайсызда адам өліміне әкеп соққан жол жүрісі ережелерін бұзу"  бойынша сотқа дейінгі тергеу басталды. Тиісті сараптамалар тағайындалды», - деп жазылған хабарламада.