Алматыда өрт шыққан 7 қабатты үйден үш адам құтқарылды

Қаза тапқандар мен зардап шеккендер жоқ

Фото: баспасөз қызметінен

Алматыда 7 қабатты үйден өрт шығып, үш адам құтқарылды, деп хабарлайды Azattyq Rýhy тілшісі ҚР ТЖМ ресми өкіліне сілтеме жасап.

«Бүгін кешкі сағат 17.04-те Алматы қаласы ТЖД кезекші-диспетчерлік қызметінің пультіне Алматы қаласы Медеу ауданында жеті қабатты тұрғын үйде өрт шыққаны туралы хабарлама түсті. Пәтерде жиһаз және үй заттары жанған»,- дейді ҚР ТЖМ ресми өкілі Талғат Уәли.

Өрт бесінші қабаттағы пәтерден шыққан. Мамандар өрт автосатысының көмегімен 3 адамды құтқарды. Тұрғындар эвакуацияланды. Қаза тапқандар мен зардап шеккендер жоқ.

Мақалада

#Алматы #өрт #ТЖМ

Алдыңғы жаңалық

Павлодар облысында жер қойнауын заңсыз пайдалану фактісі анықталды