Жолаушылар болмаған: Ақтөбеде автобус жүргізушісі жол ережесін өрескел бұзды

10 наурызда Ақтөбе қаласындағы 312 атқыштар дивизиясы мен К.Нокин даңғылының қиылысында маршруттық автобус жүргізушісі жол апатына ұшырады, деп хабарлайды Polisia.kz.

«JAC» маркалы автобус жүргізушісі (жолаушыларсыз) реттелетін қиылыстан өту ережелерін бұзып, (бағдаршамның қызыл сигналына өтіп) «Toyota Fortuner» маркалы автокөлігімен соқтығысқан.

Осы кезде «Toyota Fortuner» автокөлігі бағытын өзгертіп, «Ваз-21074» маркалы автокөліке соқтығысты. Жол апаты салдарынан «Toyota Fortuner» автокөлігінің жүргізушісі мен жолаушысы және автобусжүргізушісі Ақтөбе қаласының Жедел медициналық жәрдем ауруханасына жеткізілді.