Алматыда жол апатынан 5 адам зардап шекті

Алматыда автобус пен бірнеше жеңіл көлік соқтығысты,зардап шеккендер бар, деп хабарлайды Azattyq Rýhy тілшісі ПД баспасөз қызметіне сілтеме жасап.

«Mega Park» сауда ойын-сауық орталығының жанында №12 қалалық автобусы «Volkswagen» және «Hyundai» көліктерімен соқтығысқан. Жол-көлік апатынан бес адам зардап шекті. Үшеуі жедел медициналық жәрдем ауруханасына, біреуі орталық қалалық клиникалық ауруханаға, тағы біреуі көпсалалы клиникалық ауруханаға жеткізілді. Олардың жағдайы орташа ауыр», - деп жазылған хабарламада.

Полиция қызметкерлері оқиға орнында апаттың себептерін анықтап жатыр.