ШұғылCOVID-19: Қазақстанда өткен тәулікте 2000-нан астам адамнан вирус анықталды

Павлодарда жоғалған жасөспірім қыздар табылды

Қыздарды іздеу ісіне еріктілер де атсалысқан

 

Фото: «Павлодардың VITA іздеушілері»

9 ақпан күні үйлерінен шығып, қайтып оралмаған жасөспірім қыздар Ленин кентінен табылды, деп хабарлайды Рavlodarnews.kz.

«Іздеу аяқталды, қыздардың жағдайы жақсы. Біз ойлағандай, олар қала маңындағы Ленин кентінде болды», - деді «Павлодардың VITA іздеушілері» қоғамдық ұйымының көшбасшысы Екатерина Кудрявцева.

Іздеу тізіміне алынған жасөспірімдерді полиция қызметкерлері тапқан.

Айта кетсек, 14 жастағы Карина Куликова мен Алина Иванова 9 ақпан күні жоғалып кеткен болатын. Қыздарды іздеуге кейіннен еріктілер қосылған.

«Олардың қала маңындағы ауылда не істегені әлі түсініксіз. Қазір олармен ювеналды полиция қызметкерлері жұмыс істеп жатыр», - деді облыстық полиция департаменті баспасөз қызметінің басшысы Жанна Белялова.