ШұғылКоронавирус вакцинасын салдырған қазақстандықтар саны 700 мыңға жуықтады

ШҚО-да екі жыл бойы мемлекетті алдаған қылмыстық топ мүшелеріне қатысты сот үкімі шықты

Олар сотталушы және халықтың әлеуметтік осал топтары өкілдерінің атын жамылған

Azattyq Rýhy / Батыржан Беспаев

Шығыс Қазақстан облысында ұйымдасқан қылмыстық топ сотталушы және халықтың әлеуметтік осал топтары өкілдерінің атын жамылып, екі жыл бойы мемлекетті алдаған. Сондай-ақ жалған шот-фактуралар жазумен айналысқан. Бұл туралы Қаржылық мониторинг агентттігінің баспасөз қызметі хабарлайды.

Агенттіктің хабарлауынша, ұйымдасқан қылмыстық топ өкілдері 2018-2020 жылдары сотталған және әлеуметтік жағынан осал топтағы адам ретінде тіркеліп, тоғыз кәсіпорын құрған. Фирманың «жалған» иелеріне сыйақы төлеп, басқарып отырған.

«Салықтан жалтару үшін шот-фактуралар жазған. Кәсіпорындар ұйымдасқан қылмыстық топтың бақылауында болып, олар контрагенттерді салықты төлеуден босату мақсатымен жалған есепшоттарды жазып берумен айналысқан. Кәсіпорындардың тіркелген орны мен фигуранттардың мекен-жайына тінту жүргізу барысында жалған кәсіпорындардың бухгалтерлік құжаттары, мөрлер, компьютерлер мен крипто кілттер, чек кітапшалары, 9 миллион теңге ақша алынды», - деп хабарланды.

Сот үкімімен қылмыстық топтың мүшелері Қылмыстық кодекстің 262-ші (ұйымдасқан топ немесе қылмыстық ұйымды құру) және 216-баптары (Іс жүзінде жұмыстар орындалмай, қызметтер көрсетілмей, тауарлар тиеп-жөнелтілмей шот-фактура жазу бойынша әрекеттер жасау) бойынша кінәлі деп танылып, әртүрлі мерзімге – 3 жылдан 7 жылға дейін түрмеге қамалды.