Петропавлда жол-көлік оқиғасы салдарынан жаяу жүргінші қайтыс болды

Петропавлда жол-көлік оқиғасы салдарынан жаяу жүргінші қайтыс болды, деп хабарлайды Azattyq Rýhy тілшісі. 

Қайғылы оқиға Мағжан Жұмабаев көшесінде тіркелген. Белгіленбеген жерден өтіп бара жатқан 32 жастағы жігітті «Toyota RAF4» көлігі соғып кеткен. Соққының әсерінен жаяу жүргінші қарсы бағытта келе жатқан «ГАЗ 3302» автомашинасының доңғалағының астына түскен.

Жол-көлік оқиғасынан алған жарақат салдарынан ер адам есін жимастан көз жұмды. Аталған факті Қазақстан Республикасы Қылмыстық кодексінің 3-бөлігі 345-бабы бойынша Сотқа дейінгі тергеп-тексерудің бірыңғай тізіліміне енгізілді.