ШұғылҚазақстанда өткен тәулікте 2443 адамнан коронавирус инфекциясы анықталды

Ақтөбе облысында кен орнындағы жарылыстан 4 жұмысшы қаза тапты

Жарылыстан зардап шеккен тағы бір жұмысшы ауруханаға жеткізілді

Фото: ашық дереккөзден

Қайғылы оқиға «Весенняя Аралчинская» шахтасында болған, деп хабарлайды Azattyq Rýhy облыстық Төтенше жағдайлар департаментінің баспасөз қызметіне сілтеме жасап.

30 желтоқсан күні сағат 21.21-де Хромтау аудандық өрт сөндіру бөлімінің пультіне Көктау кентінен 30 шақырым жерде орналасқан «Ақтөбе мыс компаниясы» ЖШС-нің «Весенняя Аралчинская» шахтасында жарылыс жұмыстары жүргізілгені, сол кезде төрт жұмысшының қаза тапқаны туралы хабарлама келіп түсті. Оқиға орнына дереу құтқарушылар жеткен.

«Жарылыс салдарынан 4 жұмысшы қаза тауып, бір адамның зардап шеккені белгілі болды. Қазіргі уақытта зардап шеккен жұмысшыны медицина қызметкерлері тексеріп жатыр», - делінген хабарламада.

Облыс әкімі Оңдасын Оразалиннің тапсырмасы бойынша оқиғаның мән-жайын анықтау үшін облыс әкімінің орынбасары С.Бекбергенов және ТЖД қызметкерлері жолға шықты.

Қайғылы оқиғаның себебі анықталуда.