Павлодар облысында итін көлігіне байлап сүйреген тұрғын жауапқа тартылады

Екібастұзда 72 жастағы тұрғын асыл тұқымды төбетін көлігіне байлап сүйреген, деп хабарлайды Azattyq Rýhy тілшісі «Астана» телеарнасына сілтеме жасап.

Видео әлеуметтік желілер арқылы тарады. Кейіннен іске полиция араласып, иттің иесі табылды. Екібастұздың 72 жастағы тұрғыны итін ветеринарға апарып қаратқан. Қайтарда итті көлікке отырғыза алмай, артына байлай салыпты. 

«Итке қатыгездікпен қараған тұрғынға ҚР Қылмыстық Кодексінің 316-бабы бойынша сотқа дейінгі тергеу басталды. Автокөлік айып тұрағына қойылды. Ал, ит иесіне қайтарылды», - дейді облыстық полиция департаментінің ресми өкілі Жанна Біләлова.